Billettar
La Bohème
Kjært gjensyn med ein av verdas mest spelte og høgt elska operaer
I 2000 vart vakre La Bohème av Giacomo Puccini sett opp i Aulaen på Fjordane Folkehøgskule på Nordfjordeid til stor jubel frå eit begeistra publikum. No er endeleg tida komen for eit kjært gjensyn med dei sjarmerande bohemane i ein av verdas mest spelte og høgt elska operaer, denne gongen i Operahuset Nordfjord. Vi er svært stolte over å kunne presentere operaen i ei funklande ny, nynorsk omsetting av Jostein Avdem Fretland.
La bohème er ein italiensk opera i fire akter og vart oppført første gong 1. februar 1896 på Teatro Regio i Torino i Italia under leiing av Arturo Toscanini. Librettoen vart skiven av Giuseppe Giacosa og Luigi Illica etter ein roman av Henri Murger: La Vie de Bohème.
Handlinga utspelar seg i kunstnarkretser i Paris, og dei berande rollene er poeten Rodolfo (tenor), syerska Mimi (sopran), målaren Marcello (baryton), musikaren Schaunard (baryton), filosofen Colline (bass) og den tidlegare songaren Musetta (sopran).
Det er ei stor glede å presentere solistlaget for jubiléumsproduksjonen 2018:
Mimi: Margrethe Fredheim, Rodolfo: Thorbjørn Gulbrandsøy, Marcello: Mads Wighus, Musetta: Gunda-Marie Bruce, Schaunard: Thomas Røshol, Colline: Eirik Roland Egeberg-Jensen, Alcindoro/Benoît: Lars Eggen.
Dirigent er Opera Nordfjord sin faste musikalske leiar, Michael Pavelich, og regissør vert svenske Mira Bartov, som gjestar Opera Nordfjord for første gong. Ho har ei lang merittliste å vise til, og vi gler oss til å samarbeide med henne. Det øvrige kunstnariske teamet består av scenograf og lysdesignar Fredrik Glahns, kostymedesignar Kajsa Larsson og maskør Ingunn Schumann Mosand. I tillegg har vi med vårt profesjonelle operaorkester og hyggeleg gjensyn med konsertmeister Stig Nilsson. Operakoret og barnekoret vert i desse dagar sett saman av lokale songarar frå heile regionen.
Velkomen til Facebooksida vår, Opera Nordfjord, der du finn fortløpande informasjon, bilete, videoar og nyhende – gå inn og lik den, så kjem informasjonen lettare til deg!
Medverkande
![Michael Pavelich](/images/medverkjande/michael_pavelich.jpg)
Michael PavelichDirigent
![Mira Bartov](/images/medverkjande/mira_bartov.jpg)
Mira BartovRegissør
![Jostein Avdem Fretland](/images/medverkjande/jostein_avdem_fretland.jpg)
Jostein Avdem FretlandNynorsk omsetting
![Margrethe Fredheim](/images/medverkjande/margrethe_fredheim.jpg)
Margrethe Fredheimi rolla somMimi
![Thorbjørn Gulbrandsøy](/images/medverkjande/thorbjorn_gulbrandsoy.jpg)
Thorbjørn Gulbrandsøyi rolla somRodolfo
![Mads Wighus](/images/medverkjande/mads_wighus.jpg)
Mads Wighusi rolla somMarcello
![Gunda-Marie Bruce](/images/medverkjande/gunda-marie_bruce.jpg)
Gunda-Marie Brucei rolla somMusetta
![Thomas Røshol](/images/medverkjande/thomas_roshol.jpg)
Thomas Røsholi rolla somSchaunard
![Eirik Roland Egeberg-Jensen](/images/medverkjande/eirik-roland-egeberg-jensen.jpg)
Eirik Roland Egeberg-Jenseni rolla somColline
![Lars Eggen](/images/medverkjande/lars_eggen.jpg)
Lars Eggeni rolla somAlcindoro/Benoît