Opera i Kyrkja
Operafavorittar frå Tosca, Faust, Cavalleria Rusticana, Otello, Tannhäuser.
Mange operaer har religiøse tema, og i denne framsyninga presenterer vi utdrag frå fleire kjende operaer, der handlinga utspeler seg i kyrkjerommet. Altarring, preikestol og altartavle vert vakre rekvisittar. Vi får høyre ariar, duettar, ensembler og korsatsar frå Tosca, Cavalleria Rusticana, Tannhäuser, Otello og Faust, elegant bunde saman i ein effektfull regi ved Trond Halstein Moe. Med flotte solistar, operakor, dansarar og orkester lover vi ei vakker, stemningsfull og mektig oppleving.
Solistar: Ann Helen Moen, Henrik Engelsviken, Trond Halstein Moe
Dirigent: Michael Pavelich
Operakor, Dansarar, Orkester
Kyrkjene som får besøk over nyåret er Eid Kyrkje fredag 29.01., Naustdal Kyrkje laurdag 30.01., Stedje Kyrkje søndag 31.01., Volda kyrkje fredag 05.02., Molde Domkirke laurdag 06.02. og Ålesund Kirke Søndag 07.02..Framsyninga tek ca. 1t 30 min. og er utan pause.
