SAGAS

SAGAS er utsett til november 2021 pga. corona-situasjonen. Turnéen har følgjande konsertrekkefølge: Torsdag 11. november: Trivselshagen, fredag 12. november: Sogndal Kulturhus, laurdag 13. november: Operahuset Nordfjord, søndag 14. november: Førdehuset. Billettane som er kjøpte i 2020 gjeld for 2021. Alle billettkjøparar får melding frå sine respektive konserthus.

Endeleg er SCORE tilbake! Etter stor suksess våren 2017 med dataspelmusikk, innbyr vi til eit nytt, magisk, musikalsk eventyr når SAGAS skal på turné til Nordfjordeid, Førde og Sogndal.

Vi tek deg med på ei fortryllande reise i fantasien si verd. Temaet er filmmusikk frå fantasysjangeren, i tillegg til klassikarar frå spelverda. Vi byr på kassasuksessar som Harry Potter, Narnia, The Lord of the Rings, Conan – The Barbarian, Princess Mononoke, Carmina Burana, Skyrim, Shadow of the Colossus og sjølvsagt musikk frå den umåteleg populære TV-serien Game of Thrones.

Konsertane passar både for det kresne, klassiske konsertpublikumet, for unge og eldre gamerar og ihuga fantasytilhengarar, uansett alder. Her er det heilt trygt for besteforeldre å ta med barnebarn for å oppleve spennande og inspirert symfonisk musikk med eit 40-tals orkester og stort kor, samansett av Opera Nordfjord sitt eige operakor og musikklinjekoret ved Firda vidaregåande skule. Dirigent vert Michael Pavelich.

Art work used by kind permission of ZeniMax Media.

Medverkande

Michael PavelichDirigent